Surayyo Ubaydullayevna Karimova 1955-yil 30-mayda Toshkent shahrida ziyoli oilasida tug‘ilgan. 1977-yilda Toshkent davlat universitetining kimyo fakultetini tamomlagan. Kimyo fanlari nomzodi – 1983-yilda “Alkaloidi rasteniy roda Glaucium” mavzuida nomzodlik dissertatsiyasini yoqlagan.

1980-yilda Sharqshunoslik universitetining Sharq fakulteti huzuridagi kechki arab tili kurslarini tugatib, 1984-yildan O‘zbekiston Respublikasi Fanlar akademiyasi Abu Rayhon Beruniy nomidagi Sharqshunoslik institutiga ishga kiradi. S. Karimova shu institutda avval kichik ilmiy, katta ilmiy xodim, bo‘lim mudiri bo‘lib, 2003-yildan hozirga qadar shu institut direktorining ilmiy ishlar bo‘yicha o‘rinbosari lavozimida ishlab kelmoqda.

S. U. Karimovaning ilmiy va tashkiliy faoliyati munosib taqdirlangan – u “Mehnat shuhrati” (2007 y.), “Fidokorona xizmatlari uchun” (2019 y.) ordenlari hamda Kuvaytning Abdulaziz Baptin nomidagi xalqaro mukofotiga (2004) sazovor bo‘lgan.