O‘zbekiston Respurblikasi Vazirlar Mahkamasi Rayosati majlisining 2024-yil 16-martdagi 26-son bayoniga muvofiq O‘zbekiston Respublikasi Prezidentining 2023-yil 21-fevraldagi PF-37-son Farmoni bilan tasdiqlangan “O‘zbekiston-2030” strategiyasini “Yoshlar va biznesni qo‘llab-quvvatlash yili”da amalga oshirishga oid davlat dasturida belgilangan topshiriqlarning ijrosini ta’minlash hamda O‘zbekiston va xorijiy mamlakatlar bilan do‘stlik aloqalarini yanada rivojlantirish maqsadida Millatlararo munosabatlar va xorijiy mamlakatlar bilan do‘stlik aloqalari qo‘mitasi tomonidan yangi О‘zbekiston Chexiya, Belorus, О‘mon, Shimoliy Makedoniya, Kanada, Ispaniya bilan dо‘stlik jamiyatlarini tashkil etish bo’yicha ta’sis majlislari o’tkazildi.

Chet mamlakatlar bilan doʻstlik va madaniy-maʼrifiy aloqalarni zamon talablari asosida rivojlantirish, Oʻzbekiston hayotining turli jabhalarida erishilayotgan yutuqlarni chet ellarda keng targib qilish, xorijiy mamlakatlar jamoatchiligini xalqimizning boy tarixi, madaniyati, adabiyoti va sanʼati bilan muntazam tanishtirib borish, xalq diplomatiyasi imkoniyatlaridan kengroq foydalanib yuqorida qayd etilgan mamalakatlar bilan aloqalarimiz har sohada yanada rivojlanishi kutilmoqda..

2024-yil 11-dekabr kuni  O‘zbekiston Respublikasi Fanlar akademiyasi Abu Rayhon Beruniy nomidagi Sharqshunoslik institutida “O‘zbekiston-O‘man”  do’stlik jamiyatini tashkil etish uchun yig’ilish bo’lib o’tdi. Yig‘ilishni Abu Rayhon Beruniy nomidagi Sharqshunoslik instituti direktori Prof. B. Abduhalimov ochib berdi.

B.Abduhalimov o‘z nutqida O‘zbekiston xorij davlatlari bilan har tomonlama hamkorlikni yanada rivojlantirayotgan bir davrda, do‘stlik jamiyatlari muhim ahamiyat kasb etishini va aloqalarni yanada rivojlantirishini ta’kidlab o‘tdi. Shundan keyin yig‘ilishda O‘zbekiston Respublikasi Madaniyat vazirligi huzuridagi Millatlararo munosabatlar va xorijiy mamlakatlar bilan doʻstlik aloqalari qoʻmitasi  raisi o‘rinbosari Toshev Azamat so‘zga chiqdi.

U o‘z nutqida hozirgi O‘zbekiston keng dunyoga ochilib borayotganini, yurtimizga ko‘plab investorlar qiziqish bildirayotganini ta’kidlab, hozir ta’sis etilayotgan do‘stlik jamiyatlari xorijiy aloqalarni yanada yuksaltirishga asos bo‘lib xizmat qilishini ta’kidlab o‘tdi. Yig‘ilishda do‘stlik jamiyati raisi, o‘rinbosari va jamiyat tarkibi bir ovozdan ma’qullanib saylandi.     

O'zR FA Temuriylar tarixi davlat muzeyi

Bugun Oʻzbekiston Fanlar Akademiyasi Abu Rayhon Beruniy nomidagi sharqshunoslik institutida akademik B.Ahmedov merosini keng jamoatchilikka tanishtirish maqsadida xotira kechasi tashkil etildi