"ADOLAT" SOSIAL-DEMOKRATIK PARTIYASI
Warning: Creating default object from empty value in /home/diaatuz/domains/beruni.uz/public_html/components/com_k2/views/itemlist/view.html.php on line 743
Yangiliklar (504)
Ислом оламида вақф
⚡️Ислом оламида вақф институти муҳим ўрин тутган. У нафақат масжид-мадрасаларнинг сарф-харажатини қоплаган, балки аҳолининг камбағал қисмига ёрдам кўрсатадиган хайрия ишларини ҳам амалга оширган. Вақфнинг асосий мақсади мол-мулкни диний, ижтимоий ва хайрия ишларига бағишлашдан иборат бўлган. Вақф орқали масжид, мадраса, шифохона, саёҳатчилар учун каравотхона ва кўприк каби жамоат иншоотлари қурилган ва уларнинг узлуксиз фаолияти таъминланган.
Афсуски, вақф ҳақида кўп эшитган бўлсак ҳам, у қандай ишлагани ва унинг ҳуқуқий асослари ҳақида етарли маълумотга эга эмасмиз. Аслида, вақф мол-мулки доимий хайрия қилинадиган мулк бўлиб, унинг асосий қисми сотилмас ёки мерос қилиб қолдирилмас эди. Бунда вақфдан тушган даромадлар муайян мақсадларга йўналтириларди. Масалан, мадраса ва мактаблардаги ўқитувчилар ва талабаларнинг маоши, таъмирлаш харажатлари, камбағалларга ёрдам бериш, ҳатто кутубхоналар ва шифохоналарнинг харажатлари ҳам вақф маблағлари орқали қопланган.
Қурултой лойиҳасининг навбатдаги меҳмони — тарих бўйича PhD Қаҳрамон Ёқубов. У Хива хонлигидаги вақфларни ўрганган олимдир. У киши билан суҳбатда вақфлар фаолиятини яхшироқ тушунишга ҳаракат қиламиз. Хива хонлигида вақф қандай шаклланган? Унинг ижтимоий ва иқтисодий аҳамияти нималардан иборат бўлган? Бу каби саволларга жавоб оламиз.
Mirzo Ulug'bek tavalludining 630 yilligi
Ayni daqiqalarda Samarqand davlat universitetida buyuk qomusiy olim, davlat arbobi, temuriylar xonadonining yirik namoyondalaridan biri Mirzo Ulug'bek tavalludining 630 yilligi munosabati bilan xalqaro konferensiya bo'lib o'tmoqda. Konferensiyada Respublika va xorijdan ko'plab olimlar ishtirok etmoqda. Sharqshunoslik institutining bir qator ilmiy xodimlari ham mazkur konferensiyada o'z chiqishlari bilan ishtirok etmoqda.
Buyuk qomusiy olim
O‘zbekiston Respublikasi Prezidentining 2024-yil 12-sentyabrdagi “Buyuk qomusiy olim va mashhur davlat arbobi Mirzo Ulug‘bek tavalludining 630 yilligini keng nishonlash to‘g‘risida”gi PQ-323-sonli qarori e’lon qilingan edi. Shu munosabat bilan 2024 yil 9-oktabr kuni O‘zbekiston Fanlar akademiyasi Abu Rayhon Beruniy nomidagi Sharqshunoslik institutida buyuk olim Mirzo Ulug‘bek merosini keng jamoatchilikka tanishtirish maqsadida, “Osmon toqiga qo‘yilgan narvon” filmi namoyishi hamda uning davriga oid asarlar qo‘lyozmalari ko‘rgazmasi bo‘lib o‘tdi.
Unda olimlar, tadqiqotchilar bilan bir qatorda filmda asosiy rollarni ijro etgan aktyorlar ham ishtirok etdi. Bu tadbir tarix va ilm-fan ixlosmandlari uchun Mirzo Ulug‘bekning boy merosini chuqurroq o‘rganish va qadrlash imkoniyatini yaratadi.
Куни кеча Тошкент давлат педиатрия тиббиёт институтида "Адолат" СДП Сиёсий Кенгаши раиси Робахон Махмудованинг сайловчилар билан учрашуви бўлиб ўтди.
Куни кеча Тошкент давлат педиатрия тиббиёт институтида "Адолат" СДП Сиёсий Кенгаши раиси Робахон Махмудованинг сайловчилар билан учрашуви бўлиб ўтди.
Жараёнда партия етакчиси олийгоҳ қошидаги музей фаолияти билан ҳам танишди. Робахон Махмудовага ҳамроҳлик қилган институт ректори Ботир Даминов олий таълим даргоҳининг тарихи, илмий салоҳияти ва талаба-ёшлар ютуқлари бўйича маълумотлар тақдим этди.
Yosh akademikla
2024 yil 26 sentyabr kuni t.f.d., prof., akademik Dilorom Yunusovna Yusupova Toshkent shahri Shayxontohur tumani ixtisoslashtirilgan maktabining «Yosh akademiklar»i bilan uchrashib, ularga kelajakda Vatanga munosib farzand bo'lish, ilmda sobitqadamlik, kasbga sadoqat va xalq manfaatlari uchun xizmat qilish borasida mahorat darsi o'tkazildi.
Omonullo Bo'riyevning 80 yosh yubileyiga bag'ishlangan tadbir
More...
Omonullo Bo'riyevning 80 yosh yubileyiga bag'ishlangan tadbir
Ayni damda Fanlar akademiyasi Abu Rayhon Beruniy nomidagi Sharqshunoslik instituti sizni t.f.d., prof., Omonullo Bo'riyevning 80 yosh yubileyiga bag'ishlangan tadbir boshlandi. Olimning ilm yo'li, insoniylik fazilatlari tilga olinmoqda. Zamondoshlar, shogirdlar tilidan yangrayotgan samimiy e'tiroflar, tashakkurlar Omonulla Bo'riyevning 80 yillik umr yo'li go'zal chizgilardan iborat ekanligidan so'zlamoqda.
Феруза Жуманиёзова
«Ғазнавийлар ва салжуқийлар туянинг махсус зотини яратишга ҳаракат қилган. Бу туялар жанг учун ва почта хизмати учун мўлжалланган эди. Мақсад туяларни қўлга ўргатиш, уларнинг ҳаракатланиш тезлигини ошириш бўлган. Туя бизга савдо карвонида фақат юк ташийдиган жонзот бўлиб кўриниб қолган. Лекин қадимда туялардан жанг учун ва почта учун фаол фойдаланилган. Шунингдек, уларнинг жанг бўлинмаларида ветеринарлар ҳам бўлиб, улар Ғазнавийлар қўшинидаги отлар, туялар ва филларнинг соғлиғига жавобгар бўлишган».
Феруза Жуманиёзова
Қурултойнинг навбатдаги меҳмони — турколог олима, ПҳД Феруза Жуманиёзова. У киши билан олдинги сонларда туркларнинг Ҳиндистондаги тарихи ҳақида зўр суҳбат ташкил қилинган эди. Бу сафарги мавзу— Ҳиндистонга кириб бориб, у ерда ислом маданиятини ёйган туркий ҳукмдор Маҳмуд Ғазнавий.
ОМОНУЛЛО БЎРИЕВНИНГ ИЛМИЙ ФАОЛИЯТИ ҲАҚИДА
Бўриев Омонулло - 1944 йили Тожикистоннинг Ҳисор водийсидаги Қорасув қишлоғида туғилган. Тошкент давлат университети (ҳозирги Ўзбекистон Миллий университети)нинг География факультетида ўқиган (1961–1970; 1963–1967 йй. ҳарбий денгиз флотида хизмат қилган). Тошкент давлат университетининг “Шарқ тиллари” факультетида араб ва форс тиллари бўйича таълим олган.
Меҳнат фаолиятини Ўзбекистон Совет Энциклопедияси Бош редакциясида бошлаган ва 1970-1979 йиллар давомида мазкур муассасада кичик муҳаррир, картограф, илмий муҳаррир ва катта илмий муҳаррир лавозимларида ишлаган. 1979 йилдан ҳозиргача ЎзР ФА Абу Райҳон Беруний номидаги Шарқшунослик институтида илмий фаолият олиб боради.
1988 йили ЎзР ФА Абу Райҳон Беруний номидаги Шарқшунослик институти ҳузуридаги илмий кенгашда “Географические сведения в трудах Хафиз-и Абру (Источниковедческое и истороико-географическое исследование)” мавзусида 07.00.09. Историография и источниковедение (Тарихнавислик ва манбашунослик) ихтисослиги бўйича фан номзодлиги диссертациясини ҳимоя қилди.
Шу йиллар давомида кичик илмий ходим (1979-1990), илмий ходим (1990-1992), катта илмий ходим (1992-2003), бўлим мудири (1995-2003), етакчи илмий ходим (2003-ҳозирги вақтгача), грант раҳбари (2012-2013) лавозимларида ишлаган. Айни пайтда Қўлёзмаларни каталоглаштириш ва электрон каталогларни техник назорати бўлими бошлиғи вазифасида меҳнат фаолиятини давом эттирмоқда. 1995 йили Олий Аттестация комиссияси томонидан Омонулло Бўриевга катта илмий ходим илмий унвони берилди. Омонулло Бўриев 2019 йили “Темурийлар даври ёзма манбаларида Марказий Осиё тарихий географияси ” мавзусида докторлик диссертациясини ҳимоя қилди, 2024-йили Ўзбекистон Республикаси Олий аттестация комиссияси Шарқшунослик институти кенгашининг тавсиясига кўра “Тарихшунослик, манбашунослик ва тарихий тадқиқот усуллари ихтисослиги бўйича профессор илмий унвонига эга бўлди.
Илмий тадқиқотларининг асосий қисмини Темурийлар даври ёзма меросини ўрганиш ташкил қилади. Илмий изланишлари Шарқ қўлёзмаларини тавсифлаш, форсий манбаларни ўзбек ва рус тилларига таржима қилиш, Марказий Осиё тарихий географияси, тарихий топонимия, фан тарихи, Ўзбекистон халқлари маданияти тарихи, Ўзбекистоннинг халқаро муносабатлари тарихи каби йўналишларни ўз ичига олади. 1970 – 2024 йиллар давомида чоп қилган тадқиқотларининг умумий сони 631 тани ташкил этди; улар монография, рисола,тезис ва мақолалалар шаклида чоп этилган.
Илмий-педагогик фаолият ҳам олиб боради. Ўриндошлик асосида ЎзР Давлат Шарқшунослик Университети Марказий Осиё тарихи кафедрасида ва ЎзМУ Тарих факультети Манбашунослик кафедрасида география ва манбашунослик соҳаларида дарс берган; 2001-2004 йилларда ЎзМУ Тарих факультети Манбашунослик ва махсус тарих фанлари кафедраси мудири лавозимида ишлаган. Манбашунослик ва тарихшунослик ихтисосликлари бўйича 3 нафар илмий даража олган олий малакали мутахассис (фан номзодлари) ва 21 нафар магистр тайёрлаган.
Омонулло Бўриев ЎзР ФА Абу Райҳон Беруний номидаги Шарқшунослик институтининг “Meros” ҳамда Бобур номли халқаро жамоат фондининг “Бобур ва дунё” илмий журналлари таҳрир ҳайъати аъзоси. Узоқ йиллардан буён жамоатчилик асосида Тошкент шаҳар Топонимика комиссияси аъзоси саналади ва мустақиллик йилларида шаҳар ҳудудидаги кўпгина жой номларининг тарихини илмий асослаб, уларнинг қайта тикланишида тавсиялар берган.
Омонулло Бўриев кўпйиллик самарали илмий фаолияти учун Ўзбекистон Республикаси Президентининг 2019 йил 28 август Фармонига биноан “Меҳнат шуҳрати” ордени билан мукофотланди.
