"ADOLAT" SOSIAL-DEMOKRATIK PARTIYASI
Warning: Creating default object from empty value in /home/diaatuz/domains/beruni.uz/public_html/components/com_k2/views/itemlist/view.html.php on line 743
Yangiliklar (504)
"Исломдан аввалги давр" экспозицияси бўйича навбатдаги муҳокама бўлиб ўтди
Ўзбекистондаги Ислом цивилизацияси марказида Исломдан аввалги давр экспозициясига бағишланган муҳокама ўтказилди. Тарих фанлари доктори, профессор Жаннат Исмоилова раҳбарлик қилган учрашувга турли соҳаларда фаолият юритаётган олимлар, мутахассислар ҳамда лойиҳа раҳбарлари жалб этилди.
Муҳокамада Исломдан аввалги давр тарихий сиймоларини яратиш, ўша давр муҳитини экспозицияда гавдалантириш масалалари муҳокама этилди. Рассомлар, ранг-тасвир усталари томонидан тарихий шахсларнинг сиймосини яратишда нималарга аҳамият қаратиш кераклиги ўртага ташланди.
— Марказнинг Исломдан аввалги давр экспозицияси бўйича кўплаб олимларимиз ўз таклифларини бериб ўтди ва тузатишлар киритилди. Лойиҳалардаги баъзи масалалар бўйича бу жуда омадли бўлди. Бугунги йиғилишда кўрилган иккинчи масала "Вақт девори"га бағишланган муҳим вазифалар ҳисобланади. Исломгача бўлган даврдаги экспозициянинг юқори қисмида вақт хронологияси бўлади, яъни тарихий хронология. Бу масалада ҳам жуда кўп таклифлар билдирилди. Исломгача бўлган даврда тарихий образларни яратиш жуда мураккаб вазифа. Хронологик даврлаш нуқтаи назаридан камчиликлар аниқланиб, янги таклифларни киритишда, археолог олим Сергей Баратовни илмий маслаҳатчи қилиб тайинладик, — деди тарих фанлари доктори, профессор Жаннат Исмоилова.
Мазкур вазифаларни ижросини таъминлаш мақсадида Бадиий академия рассомларига ёрдам бериш учун бир неча тарихчи олимларни илмий маслаҳатчи сифатида бириктиришга қарор қилинди. Экспозицияни шакллантириш жараёнида деворий суратлар, чизмалар ва хорижий тадқиқотларда келтирилган тарихий сиймоларнинг образларини аниқлаш ва уларни рассомларга тақдим этиш ишлари олиб борилмоқда.
Миллий архелогия маркази вакили, профессор Ғайбулла Бобоёров ҳукмдорлар сиймосини яратишда қадимий тангалар, топилмалар ва ҳайкалларга аҳамият қаратиш кераклигини таъкидлади:
– Қадимий тангалардаги суратлар ҳукмдорлар сиймосини тиклашга ёрдам беради. Деярли барча тангаларнинг иккинчи томонига ҳукмдорларнинг суратлари туширилган. Бу уларнинг аниқ сиймоини яратишга асос бўла олади. Шунингдек, ҳукмдорлар суратлари туширилган идишлар, деворий суратлар ҳам мавжуд. Бу моддий манбалардан рассом ва ҳайкалтарошларимиз тайёр андоза сифатида фойдаланишса бўлади. Тахминан сиймолари моддий ашёларда мавжуд бўлган шахсларнинг сиймоларни сунъий интеллектда тиклашга ҳожат йўқ. Бизнинг археология марказимиз ижодкорларга моддий ашёлардан фойдаланган ҳолда сиймолар яратишида ёрдам беришга тайёрмиз.
ЎзР ФА Шарқшунослик институти доценти Феруза Жуманиёзова лойиҳалар устида ишлаш жараёнида экспозицияни бойитиш бўйича кўплаб янгиликларга дуч келганини таъкидлади:
— Экспозиция учун ҳали номи кўпчиликка маълум бўлмаган, аммо тарихимиз учун унутиб бўлмас из қолдирган Туркшоҳийлар ҳақида моддий манбалар тақдим этмоқчиман. Туркшоҳийлар тахминан 620-870 йилларда фаолият кўрсатган туркий сулола бўлиб, улар асосан араб манбаларида шу ном билан аталган. Баъзи манбаларда Шоҳийлар деб ҳам аталади. Беруний "Ҳиндистон" асарида бу сулолани Кобулшоҳлар деб атаган. Уларни Кобул Тегиншоҳлари деб аташ мумкин, сабаби бу сулоланинг баъзи вакиллари Тегиншоҳ унвонли тангалар зарб этган. Гап уни қандай номлашда эмас, муҳими, уларни тарихан мавжудлигини авлодларга етказиш деб биламан. Туркшоҳийларни ҳинд диёридаги ўзидан олдинги Кушонлар, Кидарийлар, Эфталийлардан кейинги аслияти туркий бўлган сулола дейиш мумкин. Уларнинг илк ҳукмдори Барҳатакен, сўнгиси Лагатурман бўлган. Рутлил номли Туркшоҳийлар сулоласига мансуб Зобулистон ҳукмдорлари ва уларнинг фаолияти давомидаги ишлари араб манбаларида кўп бора эсланган. Туркшоҳийлар Ҳиндистон диёрида улардан кейин мазкур ҳудудга келиб улкан давлат барпо этган Ғазнавийлар, Деҳли Султонлиги, ҳатто Бобурийлар давлати учун тамал тоши қўйган.
Мутахассислар ва олимлар ҳамкорлигида амалга оширилаётган ишлар миллий меросимизни теран ва ҳаққоний акс эттиришга хизмат қилади.
Ислом цивилизацияси маркази Ахборот хизмати
UMMON SULTONLIGI DELEGATSIYASI QADIMIY QOʻLYOZMALAR BILAN TANISHDI
Иcлом цивилизацияси маркази экспозицияси учун тарихий обидалар макетлари яратилади
Ўзбекистондаги Ислом цивилизацияси марказида Биринчи Ренессанс даври экспозицияси муҳокамасига бағишланган давра суҳбати ўтказилди.
Унда Италиянинг “Magister Art” компанияси вакиллари ва олимлар иштирокида экспозициясини жаҳон андозалари асосида ташкил этиш масалалари муҳокама этилди. Давра суҳбатида Марказ раҳбари Фирдавс Абдухолиқов Биринчи Ренессанс даври учун тайёрланаётган музей экспонатлари, иммерсив шоу ва ундаги артефактлар ҳақида маълумотлар берди:
— Марказ экспозицияси дунё бўйлаб маданий ва маърифий тадбирлар ва кўплаб халқаро кўргазмаларни ташкил этган Италиянинг нуфузли компаниясига топширилган. Дастлабки таклифлар ва уларнинг лойиҳалари маҳаллий олимлар, соҳа мутахассислари томонидан илиқ қабул қилинди. Биринчи Ренессанс даври экспозициясида экспонатлар турли ўлчамларда, турли хил кўринишларда бўлиши режалаштирилган. Масалан, “Нилометр”, “Жарқўрғон" минораси, Минораи Калоннинг муҳташам ва маҳобатли макети ясалади, экспозицияга ўша давр маърифий руҳини берувчи Хоразм Маъмун академиясининг китоблар билан тўлдирилган кичик варианти ясалади. Марказ экспозициясини бу каби кўплаб ноодатий экспонатлар билан бойитиш бўйича муҳокамалар давом этмоқда.
Давра суҳбтида “Magister Art” компанияси креатив директори Алессандра Костантин экспозиция бўйича тайёрлаган лойиҳаларини тақдимот қилди ва йиғилганларга экспозиция дизайни бўйича қилинаётган ижодий жараёнлар ҳақида сўзлаб берди:
—
Экспозицияни бойитиш бўйича изланишларимиз масъулларга ва маҳаллий олимларга маъқул келди. Италияга қайтиб, билдирилган фикр ва тавсиялар асосида ишчи гуруҳимиз билан жараённи қолган жойидан давом эттирамиз. Ишларимизни янада мукаммаллаштириш учун хорижнинг машҳур музейларига боришга, Туркия, Россия ва шу каби давлатларнинг тажрибаларини ҳам ўрганишга тўғри келмоқда.
“Magister Art” компаниясининг тажрибали архитектори Лаура Перетти марказ экспозицияси бўлимларининг жойлашуви, шакли, интерьери ва мазмуни ҳақида фикрларини баён этди:
—
Экспозицияни мукаммал ва жаҳон стандартларига мос тарзда ташкил этишда ўзбекистонлик олимларнинг ҳам фикрлари биз учун муҳим. Марказни янги сегментлар билан бойитиш бўйича муҳокамалар ҳали якунига етгани йўқ. Лекин биз дастлабки ўрганишларимиз жараёнларида шундай хулосага келдикки, экспозицияни бойитиш учун Ўзбекистон тарихига оид экспонатлар етарли. Музокаралар жараёнида биз уларни кенгроқ таҳлил қилдик, ўрганганларимиз асосида мамлакат тарихига оид энг сара ва муносибларини экспозиция доирасида йирик "план"ларга чиқаришга келишиб олдик.
Ислом цивилизацияси маркази Ахборот хизмати
Ўзбекистондаги мега лойиҳа контентини бойитиш муҳокамалари авж паллада
Ўзбекистондаги Ислом цивилизацияси марказида Биринчи Ренессанс даври экспозицияси муҳокамасига бағишланган давра суҳбати ўтказилди. Унда Италиянинг “Magister Art” компанияси вакиллари ва маҳаллий олимлар иштирокида Ўзбекистондаги мега лойиҳа экспозициясини жаҳон андозалари асосида ташкил этиш масалалари муҳокама этилди.
Ислом цивилизацияси маркази Ахборот хизмати
TDSHUda “O’zbekiston Arabshunoslari Forumi I” ilmiy-amaliy anjumani o’tkazildi
TDSHUda Sharq xalqlari tillari va adabiyoti instituti Arabshunoslik oliy maktabi tomonidan o‘tkaziladigan «O‘zbekiston arabshunoslari forumi I» mavzuidagi Respublika ilmiy-amaliy anjumani o‘tkazildi.
Mazkur tadbirda Respublikamizning turli jabhalarida faoliyat olib borayotgan uch avlod arabshunoslari bir davrada jam bo‘ldilar.
Anjumanda TDSHU rektori Gulchehra Rixsiyeva so‘zga chiqib, yig‘ilganlarni qutladi. Shuningdek, yalpi majlisda arabshunos olimlaridan O‘zbekiston Fanlar Akademiyasi vitse-prezidenti, Abu Rayhon Beruniy nomidagi Sharqshunoslik instituti direktori Bahrom Abduhalimov ham konferensiya ishiga muvaffaqiyat tiladi.
Konferensiya yakunida arabshunoslik sohasiga oid bo‘lgan yangi ilmiy ma’lumotlarni o‘quv jarayoniga tadbiq qilish, arab tilshunosligi, adabiyotshunosligi, arab tilini o‘qitishdagi zamonaviy metodlar, tarjimashunoslik, matnshunoslik va adabiy manbashunoslik sohasidagi bilimlarini oshirish kerakligi ta’kidlandi.
Mazkur anjuman doirasida mualliflar tomonidan nashr qilingan arabshunoslikni rivojlantirish boʻyicha yaratilgan ilmiy adabiyotlar universitet kitob fondiga hadiya qilindi.
\
O`MON SULTONLIGIDAN OLIY DARAJADAGI DELEGATSIYA TASHRIFI
2025-yilning 3-aprel kuni Parlamentlararo ittifoqning 150-yubiley assambleyasi doirasida Toshkentda bo'lib turgan O'mon sultonligining Sho'ro kengashi raisi Xolid al-Mavali boshchiligidagi delegatsiyasi Sharqshunoslik institutiga tashrif buyurdi. Institut direktori tarix fanlari doktori, professor Bahrom Abduhalimov mehmonlarga institut faoliyati haqida ma'lumot berdi.
Dastlab, mehmonlar institut muzeyidagi eksponatlar bilan tanishdi. Shundan so'ng, delegatsiya a'zolari hamda Institut ilmiy xodimlari o'rtasida uchrashuv bo'lib o'tdi. Faxrli mehmon so'zga chiqib ikki mamlakat o'rtasidagi aloqalar tarixi, O'zbekistonning Islom olamidagi tarixiy o'rni haqida fikrlarini bildirdi. Uchrashuv so'ngida mehmonlarga institutda nashr etilgan kitoblar sovg'a qilindi.
Tashrif davomida mehmonlar Sharqshunoslik institutining boy qo'lyozmalar fondi, restavratsiya laboratoriyasi hamda skanerlash laboratoriyalari faoliyati bilan ham tanishdi. Institut faoliyati mehmonlarda iliq taassurot qoldirdi.
"Ortga qaytmas islohotlar"
Sharqshunoslik instituti direktori Bahrom Abduhalimov O'zbekiston 24 telekanalining "Ortga qaytmas islohotlar" ko'rsatuvining O'zbekistondagi Islom sivilizatsiyasi markaziga bag'ishlangan sonida markaz haqida o'z fikrlarini berib o'tdi.
Ibragimov Faxriddin Nusratovichning tarix fanlari bo‘yicha falsafa doktori (PhD) dissertasiya ishi himoyasi to‘g‘risida
Manzil: 100170, Toshkent shahri, Mirzo Ulug‘bek ko‘chasi, 79-uy. O‘zbekiston Respublikasi Fanlar Akademiyasi Abu Rayhon Beruniy nomidagi Sharqshunoslik instituti. 2 qavat, majlislar zali.
Tel.: (99871) 246-46-00;
وثائقي مهد العلماء.. ما وراء النهر | الخوارزمي أحد أعظم العقول العلمية في التاريخ الإسلامي
Kuranbayeva Umidani Sultonnazarovna tarix fanlari bo‘yicha falsafa doktori (PhD) dissertasiya ishi himoyasi to‘g‘risida
Manzil: 100170, Toshkent shahri, Mirzo Ulug‘bek ko‘chasi, 79-uy. O‘zbekiston Respublikasi Fanlar Akademiyasi Abu Rayhon Beruniy nomidagi Sharqshunoslik instituti. 2 qavat, majlislar zali.
Tel.: (99871) 246-46-00;
More...
Файзли ифторликда юртимиздаги аҳиллик намоён бўлди
25 март куни барча ҳудудларда эҳсон дастурхонлари ёзилиб, ифторлик маросими ўтказилди. Президент Шавкат Мирзиёев Тошкент шаҳрида ўтган ифторликда иштирок этди.
Тадбир аввалида давлатимиз раҳбари халқимизни ва жамики мусулмон умматини муборак Рамазон ойи билан яна бир бор табриклади.
– Ушбу шарофатли ойда гўзал диёримизда мана шундай файзли ифторлик маросимини эл-юртимиз билан биргаликда ўтказиш насиб этгани учун меҳрибон ва қудратли Аллоҳ таолога беҳисоб шукроналар айтамиз, – деди Президент.
Мамлакатимизда “Инсон қадри учун, инсон бахти учун” деган эзгу ғоя ҳамма ишда асосий дастурга айланмоқда. Фуқароларнинг ҳуқуқлари, виждон эркинлиги таъминланаётгани Рамазон ойида янада яққол намоён бўлмоқда. Муқаддас динимиз буюрган хайрли амаллар – аҳиллик ва ҳамжиҳатлик, меҳр-саховат, сабру қаноат, ахлоқ-одоб, илму маърифат фазилатлари жамиятимизда тобора мустаҳкам бўлиб бормоқда.
Ислом динининг инсонпарварлик моҳиятини чуқур ўрганиш, буюк тарихимиз ва маданиятимиз дурдоналарини, улуғ алломаларимизнинг бой меросини тўплаш ва кенг тарғиб этишга алоҳида эътибор қаратилмоқда. Хусусан, шу мақсадда пойтахтимизда Ислом цивилизацияси маркази барпо этилмоқда. Бу улкан илмий-маънавий лойиҳа неча минг йиллик тараққиёт ютуқларини ўзида мужассам этиб, ислом цивилизацияси юртимизда айнан илм-фан, таълим-тарбия, маданият ва маърифат асосида ривожланганини тасдиқлайди, ёшларимизни буюк кашфиётларга руҳлантиради.
Самарқандда ҳадис илмининг султони Имом Бухорий мажмуаси қурилиши ҳам жадал давом этмоқда. Буюк аждодимиз ҳаёти ва фаолиятига бағишланган музей ва илмий даргоҳлар билан бирга, 10 минг кишилик масжид бунёд этилмоқда. Бу икки муҳташам обида жорий йилда очилиши режалаштирилган.
Президентимизнинг 14 мартдаги қарорига мувофиқ, бу йил Имом Мотуридий таваллудининг 1155 йиллиги кенг нишонланади. У зотнинг Самарқанддаги муборак қадамжоси янада обод қилинади, бой илмий мероси ва мотуридийлик таълимоти хорижий олимлар билан ҳамкорликда ўрганилади.
Юртимиздаги турли миллат ва дин вакиллари ўртасида аҳилликни кучайтириш мақсадида шу йил сентябрда яна бир тадбир – Тошкент ва Самарқанд шаҳарларида “Декларациялар мулоқоти форуми” ўтказилади. Бу халқаро анжуман турли диний эътиқод вакиллари ўртасида ўзига хос маърифий мулоқот майдони бўлади.
Конституциямизга мувофиқ, Ўзбекистон ижтимоий давлат мақомига эга бўлиб, халқчил ва инсонпарвар сиёсат юритилмоқда. Хусусан, ўтган йилнинг ўзида кўмакка муҳтож инсонларга 16 триллион сўмлик моддий ёрдам ва нафақалар берилган. Кам таъминланган оилаларга мансуб 51 минг нафар бола боғчага жойлаштирилган, уларнинг 176 минг нафар аъзосига тиббий кўмак кўрсатилиб, 182 минг нафари ижтимоий хизматлар билан қамраб олинган.
“Саховат ва кўмак” жамғармаси орқали 94 мингга яқин кам таъминланган оилаларга даволаниш, озиқ-овқат, кийим-кечак, коммунал тўловлар билан боғлиқ 130 миллиард сўмлик харажатлар қоплаб берилган.
“Аёллар дафтари” доирасида 3,5 миллион нафар хотин-қизга 5 триллион 700 миллиард сўмлик ёрдам ажратилган. “Ёшлар дафтари” жорий этилганидан буён 1 миллион 300 минг нафар эҳтиёжмандга 1 триллион 700 миллиард сўмлик ижтимоий ёрдам кўрсатилган.
Бундан ташқари, юртимиз ҳожиларининг ташаббуси билан кам таъминланган, боқувчисини йўқотган, эҳтиёжманд оилаларга 6 миллиард 300 миллион сўм миқдорида моддий ёрдамлар кўрсатилган.
Юртни обод қилиш, кўчат экиб, боғ яратиш ҳам савобли иш. “Яшил макон” умуммиллий лойиҳаси айнан шу мақсадга қаратилган. Ҳозирги баҳор мавсумининг ўзида диний соҳа ходимлари томонидан 10 минг тупдан зиёд дарахт, 32 минг тупга яқин гул экилди, масжид ва зиёратгоҳлар атрофи обод қилинди.
“Атроф-муҳитни асраш ва “яшил” иқтисодиёт йили”га оид давлат дастури доирасида табиатпарварлик кўлами янада кенгаймоқда. Яқинда Хива шаҳрида ўтказилган Конфессиялараро кенгаш мажлисида юртимиздаги диний конфессиялар вакиллари мазкур давлат дастурида фаол иштирок этиш бўйича мурожаатнома қабул қилди.
Ушбу ифторлик маросимида ҳам хорижий давлатлар элчилари, халқаро ташкилотлар ҳамда диний конфессиялар вакиллари жамлангани юртимиздаги бағрикенглик ва тотувликнинг яна бир ифодаси бўлди.
Давлатимиз раҳбари ўз нутқида дунёдаги вазиятга ҳам тўхталиб ўтди. Аксарият зиддият ва можаролар айнан ислом дунёсида содир бўлаётгани афсус билан қайд этилди.
Нотинчлик ўчоқлари исталган пайтда кенгайиб кетиши мумкинлиги, мусулмон мамлакатларида тинчлик ва барқарорликни таъминлаш учун бирдамлик ва ислом уммати ҳамжиҳатлигини янада мустаҳкамлаш ҳар қачонгидан ҳам долзарб экани таъкидланди.
Бунинг учун, биринчи навбатда, ёшларни ёт ғоялар таъсиридан сақлаш, илм-маърифатга йўналтириш эътибор марказида туриши керак.
Шу ҳақда гапирар экан, Шавкат Мирзиёев Баҳоуддин Нақшбанднинг “Қўлинг меҳнатда, дилинг Аллоҳда бўлсин”, деган ўгитини ёдга олди. Ёшларимизни мана шундай руҳда тарбиялаш, уларни меҳнат ва касбга ўргатиш жуда муҳим эканини таъкидлади.
Айни кунларда “Рамазон – саховат, бирдамлик ва бағрикенглик ойи” шиори остида юртимиздаги 9 минг 500 га яқин маҳаллада кам таъминланган оилаларда ифторлик дастурхонлари ёзилиб, уларнинг ҳолидан хабар олинди. Бундай хайрли ишлар инсон қадрини улуғлаш, пок мақсадли барча юртдошларимизни янада бирлаштиришга хизмат қилади.
– Алишер Навоий бобомиз айтганларидек, “Яхшиларнинг иши – яхшилик қилишдир”. Чиндан ҳам, бу ҳаёт айнан эзгулик ва яхшилик туфайли доимо ёруғ ва бардавомдир, – деди Шавкат Мирзиёев.
Ниятлар ижобат бўладиган муборак Рамазон ойида, Қадр кечаси арафасида туриб, эзгу тилаклар айтилди.
Қуръони каримдан тиловат қилинди. Аллоҳ таолодан бутун дунёда тинчлик, юртимизда фаровонлик, меҳр-оқибат барқарор бўлишини сўраб, дуолар ўқилди.
Юртимизнинг барча ҳудудларида ўтган ифторлик тадбирларида нуронийлар, зиёлилар, турли дин ва конфессиялар вакиллари, ногиронлиги бор ва эҳтиёжманд кишилар, жами 60 мингга яқин иштирокчи қатнашди.
“Имом Мотуридий таваллудининг 1155 йиллигини кенг нишонлаш тўғрисида”
? 2025 йилнинг 29-30 апрель кунлари дунё илм-фан аҳлининг эътибори Самарқанд шаҳрига қаратилади.
? Ўзбекистон Республикаси Президентининг “Имом Мотуридий таваллудининг 1155 йиллигини кенг нишонлаш тўғрисида”ги Қарорига кўра айни шу кунлари Самарқанд шаҳрида “Мотуридийлик – бағрикенглик, мўътадиллик ва маърифат таълимоти” мавзусида халқаро илмий-амалий конференция бўлиб ўтади.
⬇️ Анжуманда дунёнинг 100 дан зиёд кўзга кўринган олимлари, муфтийлар, илм-фан арбоблари ва илмий тадқиқодчилар ўз маърузалари билан иштирок этиши кутилмоқда.
? Конференция ҳақида батафсил маълумотни ахборот хати (http://moturidiy.uz/conference-2025) орқали танишиш мумкин.
