"ADOLAT" SOSIAL-DEMOKRATIK PARTIYASI
Warning: Creating default object from empty value in /home/diaatuz/domains/beruni.uz/public_html/components/com_k2/views/itemlist/view.html.php on line 743
Yangiliklar (529)
БЕРУНИЙНИНГ ЙЎҚОЛГАН ГЛОБУСИ ҚАЙТА ТИКЛАНМОҚДА
Ўзбекистондаги Ислом цивилизацияси марказида оламшумул кашфиётни ўз кўзингиз билан кўрасиз
Ўзбекистон Президенти Шавкат Мирзиёев ташаббуси билан барпо этилган Ислом цивилизацияси маркази ўзининг якуний босқичига етди. Ушбу марказ нафақат ислом динининг тинчлик ва бағрикенглик моҳиятини намоён этади, балки юртимизнинг 3000 йиллик тарихини, алломалар меросини ва дунёда аналогсиз маданий бирликни ўз ичига олган илмий-маънавий маскан сифатида юртимиз шарафини янада юксалтирмоқда.
?Батафсил — cisc.uz (https://cisc.uz/ky/news-item/681/)
Abu Rayhon Beruniyga bag‘ishlangan xalqaro simpozium
Buyuk qomusiy olim Abu Rayhon Beruniyga bag‘ishlangan xalqaro simpozium
2025 yil 16–17 oktyabr kunlari Turkiyaning Istanbul shahridagi Beruniy universiteti hamda O‘zbekiston Fanlar akademiyasi Abu Rayhon Beruniy nomidagi Sharqshunoslik instituti tashabbusi bilan buyuk qomusiy olim Abu Rayhon Beruniyga bag‘ishlangan xalqaro simpozium bo‘lib o‘tdi. Tadbir insoniyat tarixining eng buyuk olimlaridan biri, entsiklopedik bilim sohibi Abu Rayhon Beruniyning ilmiy uslubi, falsafasi va jahon sivilizatsiyasi taraqqiyotiga qo‘shgan beqiyos hissasiga bag‘ishlandi.
Ochilish marosimida Beruniy universiteti rektori prof. Adnan Yuksel, tashkiliy qo‘mita raisi prof. Adnan O‘merusta o‘g‘lu, Istanbul xalqaro madaniyat tadqiqotlari markazi rahbari prof. Bekir Karlig‘a, Turk tili qo‘mitasi rais o‘rinbosari dots. Horun Shohin, O‘zbekiston Fanlar akademiyasi vitse-prezidenti prof. Bahrom Abduhalimov hamda O‘zbekiston jurnalistika va ommaviy kommunikatsiyalar universiteti prorektori prof. Sanjarbek Rashidov nutq so‘zladilar.
Simpozium doirasida sakkizta ilmiy sessiya tashkil etildi. Birinchi sessiyada prof. Stiven Frederik Starr, prof. Yan Piter Xogendayk, prof. Bekir Karlig‘a va prof. Bahrom Abduhalimov Beruniyning ilmiy merosi hamda uning turli sohalardagi nazariy qarashlarini tahlil etdilar.
Ikkinchi sessiya madaniyat va sivilizatsiya mavzulariga bag‘ishlanib, professorlar Baxtiyor Karimov, Kemal Ataman va Ma'rifat Hamdamova Beruniyning zamonaviy sivilizatsiya tushunchasiga qo‘shgan ilmiy hissasi haqida ma'ruzalar bilan ishtirok etdilar. Keyingi sessiyalarda falsafa, sotsiologiya, ilmiy etika, tarix, astronomiya, matematika, tibbiyot va manbashunoslik sohalariga oid ma'ruzalar tinglandi. Prof. Surayyo Karimovaning “Beruniy amaliy tibbiyot bilan shug‘ullanganmi?” deya ko‘targan masalasi va uning yechimlari ko‘pchilikda qiziqish uyg‘otdi.
Alohida e'tiborga sazovor jihat – “Beruniy qo‘lyozmalari”ga bag‘ishlangan maxsus sessiya bo‘lib, unda O‘zbekistonlik olimlar dots. Salimaxon Eshonova, dots. Faxriddin Ibragimov, dots. Akbar Nurmatov va Botirjon Abdullayevlarning Beruniy asarlari qo‘lyozma nusxalari hamda ularning ilmiy ahamiyatiga oid faktik ma'lumotlar o‘ziga xos rezonans berdi.
Simpozium yakunlariga ko‘ra, Istanbul Beruniy universiteti va O‘zbekiston Fanlar akademiyasi Abu Rayhon Beruniy nomidagi Sharqshunoslik instituti o‘rtasida uzoq muddatli hamkorlikni yo‘lga qo‘yish, Beruniy ilmiy merosini chuqur o‘rganish va xalqaro miqyosda tadqiq etish bo‘yicha kelishuvga erishildi. Tadbir ikki mamlakat ilmiy muassasalari o‘rtasidagi hamkorlikning yangi bosqichini boshlab berdi hamda kelgusida Beruniy merosini yanada atroflicha o‘rganishga qaratilgan xalqaro ilmiy dasturlar uchun mustahkam asos yaratdi.
Марказ ҳақида:
Шавкат Мирзиёев Ўзбекистоннинг бой тарихий ва маънавий меросини намойиш этишга қаратилган Ислом цивилизацияси марказига ташриф буюрди (https://president.uz/uz/lists/view/8579).
Марказ ҳақида:
? У қадимий меъморий анъаналар ва миллий безаклар уйғунлигида бунёд этилган.
? Иншоотда 65 метрли гумбаз ва 34 метрли тўртта пештоқ қад ростлаган.
? Марказий қисмда Қуръони карим зали жойлашган бўлиб, унда ноёб Усмон Мусҳафи ва бошқа қадимий қўлёзмалар намойиш этилади.
? 460 ўринли анжуманлар зали халқаро учрашувлар учун шароит яратади.
? Экспозициялар буюк алломалар, жумладан, Имом Бухорий, Имом Термизий, шунингдек, Бибихоним, Нодирабегим каби маърифатпарвар аёллар фаолиятини кенг ёритади.
Ташриф давомида президент экспонатларни қизиқарли ва тушунарли тарзда тақдим этиш, мутахассис ва гидларни махсус тайёрлаш зарурлигини таъкидлади.
Ислом цивилизацияси маркази
Президент Шавкат Мирзиёев Ислом цивилизацияси марказига ташриф буюриб, халқимизнинг бой тарихий ва маънавий меросини кенг намойиш этишга қаратилган ишлар билан танишди. (https://president.uz/uz/lists/view/8579)
Beruniy ilmiy merosining sivilizatsiyalarga qoʻshgan hissasi
16-17 oktabr kunlari Istanbul shahrida “Beruniy ilmiy merosining sivilizatsiyalarga qoʻshgan hissasi” mavzusida xalqaro simpozium tashkil etildi.
https://www.iha.com.tr/istanbul-haberleri/uluslararasi-bilim-bulusmasi-buyuk-turk-bilgini-biruni-sempozyumu-yapildi-317011539
Ўзбек олимларининг инновацион ғоялари
Бугун, 18 октябрь куни соат 13:30 да Lotte City Hotels Tashkent Palace меҳмонхонасида илм-фан вакиллари ва тадиркорлар иштирокида очиқ мулоқот бўлиб ўтади.
Учрашувда “Ўзбек олимларининг инновацион ғоялари” лойиҳаси доирасида илмий ишланмаларни бизнес амалиётига жорий этиш имкониятлари муҳокама қилинади.
Қизиқувчилар илмий ғоялар билан видеолавҳалар (https://youtube.com/playlist?list=PL4xLMXn5BVTtMLcR_V76EENd7bc0J_SoL&si=8_oA_n9BkRNOog1d) орқали танишиб, ҳамкорликни йўлга қўйишлари мумкин
Барча олимлар ва тадбиркорлар иштирок этишга таклиф этилади.
Ali Qushchi | QISMAT
https://www.youtube.com/watch?v=MnOfR0uwTbM&t=50s
“ИСЛОМ ЦИВИЛИЗАЦИЯСИ МАРКАЗИ — ИЛМ ВА МАДАНИЯТНИНГ ЯНГИ РEНEССАНСИ” – АШИРБEК МЎМИНОВ
Бу масканда тарих жонланади, даврлар бир-бирига уланади.
IRCICA ташкилотининг Марказий Осиё бўйича масъули, тарих фанлари доктори Аширбек Мўминов таъкидлаганидек, Ўзбекистондаги Ислом цивилизацияси марказида олиб борилаётган ишлар нафақат миқёси, балки мазмуни билан ҳам ҳайратланарли. Биринчи, иккинчи ва учинчи ренессанслардан тортиб, хонликлар давригача бўлган даврлар чуқур илмий ёндашув асосида акс эттирилган. Бу ерда оригинал экспонатлар, бой кутубхона, қўлёзмалар маркази ва тадқиқотчилар учун яратилаётган илмий шароитлар Марказни нафақат музей, балки ҳақиқий академик илм масканига айлантирмоқда.
O'zbekiston Respublikasi Fanlar akademiyasi Sharqshunoslik institutida xodimlar o'rtasida stol tennisi hamda shaxmat musobaqalari o'tkazildi.
2025-yilning 17-oktabr kuni O'zbekiston Respublikasi Prezidenti Administratsiyasining 2025-yil 17-sentabrdagi 01-PA 1-14319-son topshirig'ining ijrosini ta'minlash, shuningdek, "11-noyabr - O'zbekiston kasaba uyushmalari kuni" bayramini munosib nishonlash hamda uning doirasida o'tkaziladigan tadbirlar tashkil etish maqsadida O'zbekiston Respublikasi Fanlar akademiyasi Sharqshunoslik institutida xodimlar o'rtasida stol tennisi hamda shaxmat musobaqalari o'tkazildi.
Turnirda stol tennisi bo'yicha erkaklar o'rtasida institut tayanch doktoranti Kamoliddinov Farrux birinchi o'rinni qo'lga kiritgan bo'lsa, ayollar o'rtasida institut tayanch doktoranti Ermatova Mushtariy g'oliblikni qo'lga kiritdi. Shuningdek, shaxmat musobaqasida erkaklar o'rtasida institut texnik xodimi Salimov Samandar go'lib bo'lgan bo'lsa, ayollar o'rtasida yana bir bor Ermatova Mushtariy g'oliblik shohsupasiga ko'tarildi.
G'oliblar Kasaba uyushmasi tomonidan medal ham esdalik sovg'alari bilan taqdirlandi.
More...
Ўзбекистон–Покистон алоқалари — тарихий ўзаро боғлиқликнинг тикланиши
Тарихдан маълумки, туркий мамлакатлар билан қадимдан то бугунги кунга қадар алоқаларни кенгайтириб, мустаҳкамлаб келаётган давлатлар келажаги ҳамиша истиқболли ва манфаатли бўлган.
Яқинда Туркий академия томонидан “Покистон ва туркий дунё: миллий ўзлик, дипломатия ва стратегик ҳамкорлик” (Pakistan and the Turkic World: Identity, Diplomacy and Strategic Partnership) номли китоб нашр этилди.
Асарда Покистон Ислом Республикасининг туркий мамлакатлар билан қадимги даврдан то бугунги кунга қадар алоқалари ҳамда келажак истиқболлари тадқиқ этилган.
Китобда Покистоннинг Озарбайжон, Қозоғистон, Қирғизистон, Туркия, Туркманистон ва Ўзбекистон билан узоқ тарихдан бошлаб, замонавий даврга қадар давом этган муносабатлари ёритилган. Асарнинг 220–240-саҳифаларини қамраб олган саккизинчи боб — “Ўзбекистон–Покистон алоқалари: тарихий ўзаро боғлиқликнинг тикланиши” деб номланган бўлиб, Ўзбекистон Фанлар академияси вице-президенти, тарих фанлари доктори, профессор Баҳром Абдуҳалимов томонидан тайёрланган.
Мазкур бобда Ўзбекистон ва Покистон ўртасидаги алоқалар кенг қамровли таҳлил этилган бўлиб, уларнинг илдизлари Буюк Ипак йўли даврига бориб тақалиши таъкидланади. Муаллиф Кушон подшоҳлиги, Темурийлар сулоласи ва Бобурийлар давридаги тарихий боғлиқликни замонавий ҳамкорлик учун мустаҳкам пойдевор сифатида кўрсатади.
Тадқиқотда икки давлат муносабатларининг асосий йўналишлари таҳлил қилинган: жумладан, Ўзбекистон–Афғонистон–Покистон темир йўли каби стратегик савдо йўлакларини ташкил этиш, Афғонистонда барқарорликка эришиш йўлидаги саъй-ҳаракатлар, хавфсизлик соҳасида ҳамкорлик ва маданий-гуманитар алмашинув масалаларига алоҳида эътибор қаратилган.
Муаллиф хулосаларига кўра, икки томонлама сиёсий, иқтисодий ва маданий ҳамкорликка таянган ҳолда Ўзбекистон ва Покистон нафақат ўзaro алоқаларни мустаҳкамламоқда, балки Марказий ва Жанубий Осиё ўртасидаги минтақавий интеграция жараёнларига ҳам муносиб ҳисса қўшмоқда. Бу ҳамкорлик минтақа учун муҳим бўлган барқарорлик ва фаровонликни таъминлаш салоҳиятига эга экани таъкидланади.
Шу билан бирга, унинг келгуси истиқболлари инфратузилмани ривожлантириш ҳамда хавфсизлик соҳасидаги ҳамкорликнинг изчил давом эттирилишига боғлиқ экани алоҳида қайд этилади.
А.РУСТАМОВ, ЎзА
2026-yil uchun tayanch doktorantura, doktorantura, va stajyor-tadqiqotchilikka qabul e’lon qiladi.
Fanlar akademiyasi Abu Rayhon Beruniy nomidagi Sharqshunoslik instituti quyidagi ixtisosliklar bo‘yicha 2026-yil uchun tayanch doktorantura, doktorantura, va stajyor-tadqiqotchilikka qabul e’lon qiladi.
Ixtisosliklar shifri va nomi
? 07.00.03 -“Jahon tarixi”
? 07.00.08 -“Tarixshunoslik, manbashunoslik va tarixiy tadqiqot usullari”
?2026-yil qabuli uchun tayanch doktoranturaga (PhD) – 4 ta, doktoranturaga (DSc) –1 ta, stajyor-tadqiqotchilikka – 2 ta o‘rin ajratilgan bo‘lib, talabgorlar quyidagi hujjatlarni taqdim etishlari kerak:
?Tayanch doktoranturaga:
- ariza;
- ma’lumotnoma;
- pasport nusxasi;
- mehnat daftarchasining belgilangan tartibda tasdiqlangan nusxasi;
- oliy ta’lim muassasasi magistraturasi diplomi;
- til bo‘yicha tegishli sertifikat (B1 va undan yuqori);
- nashr etilgan ilmiy ishlar ro‘yxati, shuningdek ularning nusxalari;
- O‘zbekiston Respublikasi Prezidenti Davlat stipendiyasi sohiblari tegishli hujjat nusxasi;
- Ilmiy izlanish mavzusi va asosnomasi.
?Doktoranturaga:
- ariza;
- ma’lumotnoma;
- mehnat daftarchasining belgilangan tartibda tasdiqlangan nusxasi;
- oliy ma’lumot, fan nomzodi yoxud falsafa doktori (PhD) ilmiy darajasiga ega bo‘lganligi to‘g‘risidagi diplom nusxasi;
- til bo‘yicha tegishli sertifikat (B1 va undan yuqori);
- tadqiqot mavzusi bo‘yicha ilmiy ma’ruza va fan doktori (DSc) ilmiy darajasini olish uchun tayyorlangan doktorlik dissertatsiyasi rejasining to‘liq loyihasi;
- nashr etilgan ilmiy ishlar ro‘yxati, shuningdek ularning nusxalari.
?Stajyor-tadqiqotchilikka:
- ariza;
- ma’lumotnoma;
- pasport nusxasi;
- mehnat daftarchasining belgilangan tartibda tasdiqlangan nusxasi;
- oliy ta’lim muassasasi magistraturasi diplomi;
- nashr etilgan ilmiy ishlar ro‘yxati, shuningdek ularning nusxalari;
- O‘zbekiston Respublikasi Prezidenti Davlat stipendiyasi sohiblari tegishli hujjat nusxasi
- Ilmiy izlanish mavzusi va asosnomasi.
‼️Barcha hujjatlar pdf shaklida tayyorlanib Oliy taʼlimdan keyingi taʼlimni muvofiqlashtiruvchi Yagona elektron tizim (https:// daraja.ilmiy.uz) orqali roʼyxatdan oʼtgan holda yuboriladi.
? Hujjatlar 2025-yil 5-oktyabrdan 5-noyabrgacha qabul qilinadi.
?Murojaat uchun: Toshkent shahri, Mirzo Ulug'bek tumani, Mirzo Ulug'bek ko'chasi, 79-uy. Telefon: (71) 262-54-61.
Varshava universiteti bilan hamkorlikda Arxeologik tahlil laboratoriyasi tashkil etiladi
Oʻzbekiston Fanlar akademiyasi vitse-prezidenti Bahrom Abduhalimov boshchiligidagi olimlar jamoasi – Milliy arxeologiya markazi direktori Farhod Maqsudov, boʻlim boshliqlari Durdona Murodova va Malika Toʻxtayevalar Polshadagi Varshava universiteti Arxeologiya fakulteti taklifiga binoan Varshavaga xizmat safarida bo‘ldilar.
Ushbu tashrif doirasida Oʻzbekiston Fanlar akademiyasi Milliy arxeologiya markazida Varshava universiteti bilan hamkorlikda Arxeologik tahlil laboratoriyasini tashkil etish boʻyicha ikki tomonlama shartnoma imzolandi.
Mazkur tashabbus ERC Consolidator granti doirasida amalga oshirilayotgan INASIA – "Ular zamonaviy odamlar boʻlganmi? Gʻarbiy Markaziy Osiyoda yuqori paleolit muammosi" nomli loyiha asosida olib borilmoqda. Loyiha Varshava universiteti Arxeologiya fakultetida professori Małgorzata Kot rahbarligida amalga oshirilmoqda.
Varshava universiteti Arxeologiya fakulteti va Oʻzbekiston Fanlar akademiyasi Milliy arxeologiya markazi oʻrtasidagi koʻp yillik hamkorlik samarasi sifatida olimlarimiz ushbu yangi laboratoriya uchun tayyorlab berilgan maxsus xonalardan foydalanish imkoniyatiga ega boʻladi. Laboratoriyaning jihozlanishi va zarur uskunalar bilan taʻminlanishi loyiha byudjeti doirasida ajratilgan grant mablagʻlari hisobidan moliyalashtiriladi.
Laboratoriyaning tashkil etilishi nafaqat loyiha doirasidagi rejalarni amalga oshirishga xizmat qiladi, balki uzoq muddatli, chuqurlashtirilgan hamkorlik uchun mustahkam poydevor yaratadi.
Покистон ва туркий дунё: миллий ўзлик, дипломатия ва стратегик ҳамкорли
Яқинда Туркий академия томонидан “Покистон ва туркий дунё: миллий ўзлик, дипломатия ва стратегик ҳамкорлик” (Pakistan and the Turkic World: Identity, Diplomacy and Strategic Partnership) номли китоб нашр этилди.
Асарда Покистон Ислом Республикасининг туркий мамлакатлар билан қадимги даврдан то бугунги кунга қадар алоқалари ҳамда келажак истиқболлари тадқиқ этилган.
Китобда Покистоннинг Озарбайжон, Қозоғистон, Қирғизистон, Туркия, Туркманистон ва Ўзбекистон билан узоқ тарихдан бошланиб, замонавий даврга қадар давом этган муносабатлари ёритилган. Асарнинг 220–240-саҳифаларини қамраб олган саккизинчи боб — “Ўзбекистон–Покистон алоқалари: тарихий ўзаро боғлиқликнинг тикланиши” (Chapter 8. Uzbekistan-Pakistan Relations: Revival of Historical Connectivity) — Ўзбекистон Фанлар академияси вице-президенти, тарих фанлари доктори, профессор Баҳром Абдуҳалимов томонидан тайёрланган.
Мазкур бобда Ўзбекистон ва Покистон ўртасидаги алоқалар кенг қамровли таҳлил этилган бўлиб, уларнинг илдизлари Буюк Ипак йўли даврига бориб тақалиши таъкидланади. Муаллиф Кушон подшоҳлиги, Темурийлар сулоласи ва Бобурийлар давридаги тарихий боғлиқликни замонавий ҳамкорлик учун мустаҳкам пойдевор сифатида кўрсатади.
Тадқиқотда икки давлат муносабатларининг асосий йўналишлари таҳлил қилинган: жумладан, Ўзбекистон–Афғонистон–Покистон темир йўли каби стратегик савдо йўлакларини ташкил этиш, Афғонистонда барқарорликка эришиш йўлидаги саъй-ҳаракатлар, хавфсизлик соҳасида ҳамкорлик ва маданий-гуманитар алмашинув масалаларига алоҳида эътибор қаратилган.
Муаллиф хулосаларига кўра, икки томонлама сиёсий, иқтисодий ва маданий ҳамкорликка таянган ҳолда, Ўзбекистон ва Покистон нафақат ўзaro алоқаларни мустаҳкамламоқда, балки Марказий ва Жанубий Осиё ўртасидаги минтақавий интеграция жараёнларига ҳам муносиб ҳисса қўшмоқда. Бу ҳамкорлик минтақа учун муҳим бўлган барқарорлик ва фаровонликни таъминлаш салоҳиятига эга экани таъкидланади. Шу билан бирга, унинг келгуси истиқболлари инфратузилмани ривожлантириш ҳамда хавфсизлик соҳасидаги ҳамкорликнинг изчил давом эттирилишига боғлиқ экани алоҳида қайд этилади.
Мақолага икки давлат раҳбарларининг расмий учрашуви жараёнларидан фотосуратлар ҳам илова этилади.