Oʻzbekiston Fanlar akademiyasi vitse-prezidenti Bahrom Abduhalimov boshchiligidagi olimlar jamoasi – Milliy arxeologiya markazi direktori Farhod Maqsudov, boʻlim boshliqlari Durdona Murodova va Malika Toʻxtayevalar Polshadagi Varshava universiteti Arxeologiya fakulteti taklifiga binoan Varshavaga xizmat safarida bo‘ldilar.
Ushbu tashrif doirasida Oʻzbekiston Fanlar akademiyasi Milliy arxeologiya markazida Varshava universiteti bilan hamkorlikda Arxeologik tahlil laboratoriyasini tashkil etish boʻyicha ikki tomonlama shartnoma imzolandi.

Mazkur tashabbus ERC Consolidator granti doirasida amalga oshirilayotgan INASIA – "Ular zamonaviy odamlar boʻlganmi? Gʻarbiy Markaziy Osiyoda yuqori paleolit muammosi" nomli loyiha asosida olib borilmoqda. Loyiha Varshava universiteti Arxeologiya fakultetida professori Małgorzata Kot rahbarligida amalga oshirilmoqda.

Varshava universiteti Arxeologiya fakulteti va Oʻzbekiston Fanlar akademiyasi Milliy arxeologiya markazi oʻrtasidagi koʻp yillik hamkorlik samarasi sifatida olimlarimiz ushbu yangi laboratoriya uchun tayyorlab berilgan maxsus xonalardan foydalanish imkoniyatiga ega boʻladi. Laboratoriyaning jihozlanishi va zarur uskunalar bilan taʻminlanishi loyiha byudjeti doirasida ajratilgan grant mablagʻlari hisobidan moliyalashtiriladi.

Laboratoriyaning tashkil etilishi nafaqat loyiha doirasidagi rejalarni amalga oshirishga xizmat qiladi, balki uzoq muddatli, chuqurlashtirilgan hamkorlik uchun mustahkam poydevor yaratadi.

Яқинда Туркий академия томонидан “Покистон ва туркий дунё: миллий ўзлик, дипломатия ва стратегик ҳамкорлик” (Pakistan and the Turkic World: Identity, Diplomacy and Strategic Partnership) номли китоб нашр этилди.

Асарда Покистон Ислом Республикасининг туркий мамлакатлар билан қадимги даврдан то бугунги кунга қадар алоқалари ҳамда келажак истиқболлари тадқиқ этилган.
Китобда Покистоннинг Озарбайжон, Қозоғистон, Қирғизистон, Туркия, Туркманистон ва Ўзбекистон билан узоқ тарихдан бошланиб, замонавий даврга қадар давом этган муносабатлари ёритилган. Асарнинг 220–240-саҳифаларини қамраб олган саккизинчи боб — “Ўзбекистон–Покистон алоқалари: тарихий ўзаро боғлиқликнинг тикланиши” (Chapter 8. Uzbekistan-Pakistan Relations: Revival of Historical Connectivity) — Ўзбекистон Фанлар академияси вице-президенти, тарих фанлари доктори, профессор Баҳром Абдуҳалимов томонидан тайёрланган.
Мазкур бобда Ўзбекистон ва Покистон ўртасидаги алоқалар кенг қамровли таҳлил этилган бўлиб, уларнинг илдизлари Буюк Ипак йўли даврига бориб тақалиши таъкидланади. Муаллиф Кушон подшоҳлиги, Темурийлар сулоласи ва Бобурийлар давридаги тарихий боғлиқликни замонавий ҳамкорлик учун мустаҳкам пойдевор сифатида кўрсатади.
Тадқиқотда икки давлат муносабатларининг асосий йўналишлари таҳлил қилинган: жумладан, Ўзбекистон–Афғонистон–Покистон темир йўли каби стратегик савдо йўлакларини ташкил этиш, Афғонистонда барқарорликка эришиш йўлидаги саъй-ҳаракатлар, хавфсизлик соҳасида ҳамкорлик ва маданий-гуманитар алмашинув масалаларига алоҳида эътибор қаратилган.
Муаллиф хулосаларига кўра, икки томонлама сиёсий, иқтисодий ва маданий ҳамкорликка таянган ҳолда, Ўзбекистон ва Покистон нафақат ўзaro алоқаларни мустаҳкамламоқда, балки Марказий ва Жанубий Осиё ўртасидаги минтақавий интеграция жараёнларига ҳам муносиб ҳисса қўшмоқда. Бу ҳамкорлик минтақа учун муҳим бўлган барқарорлик ва фаровонликни таъминлаш салоҳиятига эга экани таъкидланади. Шу билан бирга, унинг келгуси истиқболлари инфратузилмани ривожлантириш ҳамда хавфсизлик соҳасидаги ҳамкорликнинг изчил давом эттирилишига боғлиқ экани алоҳида қайд этилади.
Мақолага икки давлат раҳбарларининг расмий учрашуви жараёнларидан фотосуратлар ҳам илова этилади.

PAKISTAN AND THE TURKIC WORLD PDF (1)

O‘zbekiston Respublikasi Fanlar akademiyasi Abu Rayhon Beruniy nomidagi Sharqshunoslik instituti yetakchi ilmiy hodimi, tarix fanlari doktori Sherali Qo‘ldashev 2025 yilning 25-28 sentyabr kunlari Qalmog‘iston Respublikasi Elista shahrida o‘tkazilgan III xalqaro Buddizm forumida ishtirok etdi.

Forum doirasida O‘zbekistonda buddizm bilan bog‘liq tarixiy ma‘lumotlar berildi.

2025-yilning 12-sentabr kuni O‘zbekiston Respublikasi Fanlar akademiyasi Abu Rayhon Beruniy nomidagi Sharqshunoslik institutida Turkiya Respublikasining Sulton Ahmad vaqfi huzuridagi Qo‘lyozmalarni tadqiq qilish markazi direktori Mahmud Misriy, mutaxassislar Faysal al- Hafayon, Aymon Fuod Sayyid, Bashshor Avvod Ma’ruf va Iyod at-Tabbo’ ishtirokida manbashunos va matnshunos mutaxassislar uchun qo‘lyozmalarni o‘rganishga bag‘ishlangan ilmiy seminar bo’lib o‘tdi. Mazkur ilmiy seminarda soha mutaxassislari Abu Rayhon Beruniy nomidagi Sharqshunoslik instituti xodimlari uchun  o‘z mavzulari bo‘yicha ma’ruzalar qilishdi. Xususan, Prof. Iyod at-Tabbo’ “Siyrat va shamoil matnlarini tahqiq qilish” bo‘yicha ma’ruza qildi. Prof. Aymon Fuod Sayyid  esa “Tarixiy matnlarni tanqidiy nashr etish qoidalari” va “Yoʻqolgan tarixiy matnlarni qayta tiklash” bo‘yicha ma’ruza qildi. Ma’ruzadan so‘ng xodimlar ma’ruzachilarga o‘zlarini qiziqtirgan  savollar berishdi. Ilmiy ma’ruza juda sermazmun bo‘lib o‘tdi va institut xodimlari bu seminardan manbashunoslik, matnshunoslik va qo‘lyozmalarni o‘rganish sohasi bo‘yicha ko’pgina yangi ma’lumotlarga ega bo’lishdi. Seminar yuqori ilmiy saviyada o‘tdi va ishtirokchilar uchun ham, taklif etilgan tadqiqotchilar uchun ham juda samarali bo‘ldi.

Бухоро давлат университети ташкил этилганлигининг 95 йиллиги катта тантана қилинди.