Biz uchun aziz va muhtaram bo‘lgan ustozimiz — ilm-fan va ma’rifat fidoyisi Dilorom Yusupovaga nufuzli “Moʻtabar Ayol” koʻkrak nishoni topshirilgani barchamiz uchun katta faxr va quvonchdir.

Ushbu yuksak mukofot ustozimizning ko‘p yillik fidokorona mehnati, ilm yo‘lidagi xizmatlari, shogirdlar tarbiyasidagi beqiyos hissasi hamda jamiyatdagi munosib o‘rni e’tirofi sifatida berilgani bilan yanada qadrli.

Muhtaram ustozimizga mustahkam sog‘lik, uzoq va barakali umr, ilm yo‘lida yanada yuksak zafarlar, doimo baland martaba va cheksiz hurmat-e’tibor tilaymiz. 

Sizning ilmiy va hayotiy tajribangiz biz uchun doimo ibrat maktabi bo‘lib qolaveradi!

O‘zbekiston Respublikasi Fanlar akademiyasi Abu Rayhon Beruniy nomidagi Sharqshunoslik instituti 2026-yil 15-aprel kuni  sharqshunoslarning akademik Ubaydulla Karimov nomidagi XXI xalqaro ilmiy konferensiyasini o‘tkazadi. Tashkilotchilar sharqshunoslik fanining turli yo‘nalishlari sanalgan Sharq mamlakatlari tarixi, madaniyati, iqtisodi, manbashunoslik, qo‘lyozmalar konservatsiya va restavratsiyasi, islomshunoslik, va matnshunoslik sohalarida ilmiy izlanishlar olib borayotgan magistrantlar, tayanch doktorantlar va mustaqil tadqiqotchilarni xalqaro konferensiyada ishtirok etishga taklif qiladi. Yosh tadqiqotchilarga e’tibor qaratilgan holda, boshqa ishtirokchilarning yoshi chegaralanmagan. Ilmiy ma’ruza uchun maqola o‘zbek, ingliz va rus tillarida (5–10 bet, 14 shrift 1,5 intervalda) 2026-yil    1-mart kuniga qadar qabul qilinadi. Ma’ruza uchun reglament 10 daqiqa.

Maqola matnlarini rasmiylashtirish uchun namuna